سلسلہِ چشتیہ

شیخ العرب والعجم مجدِّدِ زمانہ عارف باللہ حضرت مولانا شاہ حکیم محمد اختر صاحب رحمۃ اللہ علیہ نے ارشاد فرمایا:

ہمارے حاجی امداد اللہ صاحب رحمۃ اللہ علیہ پر چاروں سلسلے جمع ہوتے ہیں۔ یہ چار دریاؤں کا مجموعہ ہے، یہ نہ سنگم ہے، نہ تربینی ہے، اس کو چر بینی کہتے ہیں جس میں چاروں دریا شامل ہیں۔ اس لیے ہم بیعت ہوتے وقت یہ کہتے ہیں کہ ہم داخل ہوتے ہیں ہم سلسلہ چشتیہ میں، سلسلہ قادریہ میں، سلسلہ نقشبندیہ میں، سلسلہ سہر وردیہ میں۔ یہ اتنا وسیع سلسلہ ہے کہ ان شاء اللہ قیامت کے دن چاروں سلسلوں کے اولیاء اللہ کے ساتھ نصیب ہو گا۔

(سلسلہ مواعظ حسنہ نمبر: ۴۴۔ بعنوان: «یا ارحم الراحمین مولائے رحمۃ اللعالمین»)